Vatnaliljurnar

2003-12-05T17:01:00.000Z

Vetur
Vatnaliljurnar eru nú í dvala eins og gerist oft hjá blómum, sem við svo sannarlega erum. Menn eru þess í stað á fullu að einbeita sér að heitum möguleikum útí heimi sem gætu sómað sér vel í sterkum leikmannahópi okkar.
Fjarmálin hafa styrkst með tímanum, og vert er að minnast á það að Vatnaliljurnar unnu fótboltamót á dögunum og hömpuðu þar inn 10.000 kr í sarpinn.
Nú er jólamánuður genginn í garð og óskum við þar með öllum velunnurum Vatnaliljanna gleðilegra jóla og farsæls komandi árs.

Kveðja. Oddur Jóakimsson
Fjarmálastjóri.

2003-08-14T13:02:00.000Z

Leikur í kvöld
Mæting fyrir leikmenn kl.19:15 en leikurinn sjálfur hefst kl.20:00. Ekkert verður gefið upp um byrjunarliðið en Andri Stefánsson mun bera fyrirliðabandið í kvöld þar sem Kristján Ari Halldórsson verður ekki í hóp í kvöld. Kristján mun þó vera vip hliðarlínuna og veita liðinu andlegan stuðning.

Fjármálin eru að komast í samt lag og verður allt klappað og klárt þega flautað verður til leiks kl.20:00

2003-08-12T17:14:00.000Z

Allt aftur á fullt á fimmtudag
Búið er að leggja nýtt teppi á Leiknisvöllinn og því getur Carlsberg-deildin loks hafist að nýju. Við eigum leik á fimmtudaginn gegn Jónatanlækni og hefst leikurinn kl.20:00. Á morgun miðvikudag verður hinsvegar haldinn neyðarfundur félagsmanna og verður hann nánar auglýstur með SMS-tilkynningu á morgun.

Það er að duga eða drepast en leikurinn á fimmtudag verður að vinnast. Það kemur ekkert annað til greina, svo einfalt er það. Stjórnin hefur notað sumarið til að styrkja liðið fyrir átökin framundan en vill ekki gefa upp hvaða leikmenn hafa verið fengnir til liðsins. Það mun allt koma í ljós þegar liðin ganga inn á völlinn á fimmtudagskvöld.

Fjárhagsmál
Fjárhagsmálin hafa verið helsta áhyggjuefni Vatnaliljanna á þessu tímabili. Sem stendur skuldum við Carlsberg deildinni 22 þúsund krónur, reyndar 20.000 þar sem Olli markvörður skuldar þennan 2.000 kall sem hann borgaði ekki við seinustu rukkun. Þá eru tveir leikmenn sem skulda stjórn Vatnaliljanna 2.000 kall, Oddur Þorkell og Ari Björn. Þetta verður að borga á fimmtudaginn og skulu allir verða tilbúnir með pening á morgun þegar neyðarfundur verður haldinn hátíðlegur.

2003-07-11T23:36:00.000Z

Off-season
Eins og flestir vita þá er Off-season núna hjá okkur Liljunum. Þennan tíma munu stjórnendur félagsins nota til að skoða leikmenn og sötra öl. Nei, ég meina koma okkur í form.
Æfingar hefjast á næsta leyti, þegar heppilegur staður hefur verið fundinn til slíkra aðgerða. Mótið hefst svo að nýju í ágúst og vonandi verða allir orðnir ferskir þá.

Kveðja,
Ykkar formaður,
Guðni Rúnar Gíslason

2003-06-21T14:44:00.000Z

Heimasíðan
Vatnaliljusíðan hefur legið í nokkurri lægð eins og liðið sjálft reyndar. En breyting skal verða á því. Hér eftir verður uppfærslan mun stöðugri.

HLÉ á mótinu
Verið er að skipta um gras á Vatnaliljuvellinum og því munum við ekki leika okkar næsta leik fyrr en Fimmtudaginn 5.ágúst en þá er Jónatanlæknir mótherji okkar. Það verður næst seinasti leikurinn í Riðlakeppninni en sá seinasti verður leikinn Fimmtudaginn 14.ágúst. Svo hefst úrslitakeppnin með miklum stæl. Hér má annars finna leikjaskrána okkar með lista yfir markaskorara okkar og fleira gotterí.

Við erum sem stendur í fjórða sætinu en tveir næstu leikir okkar VERÐA að vinnast ef settu markmiði skal náð.

STAÐAN EFTIR FIMM UMFERÐIR
1 Fridays 12
2 Ufsinn 11
3 Innri fegurð 10
4 Vatnaliljurnar 7
5 Elliði 6
6 FC Birgitta Haukdal 6
7 Væringjar 3
8 Jónatanlæknir 3

Leikmannamál
Seinustu tvo leiki hafa Vatnaliljurnar leikið með vængbrotið lið en næstu leiki verðum við fullskipaðir að mestu leyti fyrir utan að Kristján fyrirliði verður líklega ekki með í næsta leik. Svo verðum við bara að krossleggja fingur og vona að engin meiðslavandræði koma upp. Annars er búið að endurbæta leikmannasíðuna hérna.

Fjármál
Erum mun betur staddir þar en áður. Höfum borgað 18 þúsund kall að ég held af þessum 40 þúsundum.

Tap í seinasta leik
Já við töpuðum seinasta leik fyrir hlé 2-3. Vorum með mun sterkara lið en þessir Væringjar en getum sjálfum okkur um kennt. Óli Jóns og Dóri skoruðu mörkin.

2003-06-12T15:59:00.000Z

LEIKUR Í KVÖLD
Í kvöld leikum við okkar seinasta leik fyrir hlé og hefst leikurinn kl.20:00. Aftur munum við tefla fram vængbrotnu liði en eftirtaldir eru fjarverandi:

Tommi: Keppa með ÍR
Jói: Keppa með ÍR
Maggi H: Keppa með ÍR
Kristján: Keppa með ÍR
Knútur: Meiddur
Ari: Meiddur
Maggi I: Keppa með Fylki, old boys
Gunni Batistuta: Verða pabbi.
Maggi Kók: Keppa með HK.

Fjármálasöfnun
Vel gengur að safna 20.000 kallinum sem við ætlum að borga á eftir...

2003-06-08T22:56:00.000Z

Seinasti leikur
Kjúklingarnir okkar töpuðu 2-5 fyrir Elliða í seinasta leik. Þrátt fyrir að Olli hafi verið að finna sig í markinu þá gekk þetta ekki upp á fimmtudag. Sanngjarn sigur Elliða staðreynd. Mörk okkar skoruðu Gunnar Batistuta og Oddur Þorkell Jóakimsson. Næsti leikur á fimmtudaginn og þá verðum við að gera betur!!!

2003-06-05T17:49:00.000Z

Leikur gegn Elliða í kvöld
Í kvöld leikum við Vatnaliljurnar gegn Elliða í Carlsberg deildinni. Leikur hefst kl.20:00 og verður í beinni á Sýn. Leikmenn mæta 19:20 á Leiknisvöllinn.

Liðið leikur án eftirfarandi leikmanna:
Arnar Magnússon (Leikur hjá ÍR)
Tómas Árni Ómarsson (Leikur hjá ÍR)
Magnús Halldórsson (Leikur hjá ÍR)
Jóhann Björnsson (Leikur hjá ÍR)
Guðni Rúnar Gíslason (Vinnandi maður)
Kristján Ari Halldórsson (Útskrift)
Knútur og Ari (Meiddir)
Dór (Meiddur)
Elvar (Veikur)

Hisnvegar verður Gunni Batistuta á sínum stað ásamt Ólafi Þórissyni, nýjum leikmanni okkar sem er til reynslu hjá Liljunum.

Við hvetjum áhorfendur um að vera mættir tímanlega til að fá sæti.

2003-05-30T17:11:00.000Z

Ávarp frá formanninum.
Eins og margir tóku eftir stóð ég á hliðarlínunni í leiknum á móti Friday´s í gær. Aganefnd Vatnaliljanna tók þá ákvörðun sem ég mótmælti ekki að setja mig í agabann þetta kvöldið.
Ég biðst innilegar afsökunar á athæfi mínu og vona að ég hafi ekki skaðað ímynd félagsins á nokkurn hátt. Ég viðurkenni fúslega að hafa brugðist félaginu, leikmönnum þess og stuðningsmönnum. Slíkt er auðvitað óafsakanlegt en ég vona að félagið og allir sem að félaginu koma geti fyrirgefið mér og vilji notast við þjónustu mína við félagið í framtíðinni.
Áfram Vatnaliljurnar,
Guðni Rúnar Gíslason iðrandi Formaður

2003-05-30T12:50:00.000Z

GÓÐUR OG SANNGJARN SIGUR Á FRIDAYS
Við mættum vel stemmdir til leiks í nýju búningunum okkar í gær. Leikurinn átti víst að byrja 20:00 en ekki 21:00 eins og áður var talið en hann byrjaði svo á endanum u.þ.b. 20:40. Byrjunarliðið var svona: Olli - Maggi Ingva - Maggi Kók - Andri - Maggi H - Kristján - Dóri.

Já, Dóri að spila sinn fyrsta leik í framlínu okkar og mætti vel klæddur til leiks í blíðviðrinu í gær. Á bekknum var annar nýr liðsmaður okkar, Gunnar. Hann er mágur Magnúsar Halldórssonar og kom til liðsins í gær fyrir tilstuðlan hans. Grjóni var í fyrsta sinn á bekknum hjá okkur en hann er mjög tæpur vegna meiðsla, hann kom ekki inn á í þessum leik en mun örugglega láta ljós sitt skína í næstu viku.

Leikurinn byrjaði ekki vel fyrir okkur og Fridays komust yfir með marki af löngu færi eftir aðeins tvær mínútur. Vörnin var ekki að standa sig og Olli misreiknaði sig í markinu. Allan fyrri hálfleikinn sóttum við mun meira en náðum ekki að sækja gull í greipar andstæðinganna. Seinni hálfleikurinn byrjaði svo eins og sá fyrri var, við sóttum mun meira en vorum ekki að nýta færin.

Fridays fengu skyndisókn og skyndilega komnir í 2-0. En áfram héldu Vatnaliljurnar að berjast og það skilaði því að Dóri fékk vítaspyrnu. Hann braut síðan regluna um að maður sem brotið er á fái ekki að taka víti. Hann skoraði af öryggi og minnkaði muninn í 2-1. Dóri var alls ekki hættur og laggði síðan upp tvö skallamörk fyrir Jóa, mjög svipuð mörk og við komnir í 3-2. Þannig endaði síðan leikurinn. Gaman var að sjá hvernig Dóri kom út í sókninni og náði vel saman við Jóa sem átti stórleik. Þá vil ég einnig nefna að Maggi Kók spilaði gríðarvel og Gunnar kom ferskur inn.

Glæsilegur 3-2 sigur og leikmenn sýndu mikinn karakter með því að gefast ekki upp í stöðunni 0-2 og vinna 3-2..

LEIKMANNALISTINN
Um helgina verður staðið í endurbætum á leikmannalistanum en hann hefur tekið þónokkrum breytingum. Myndir koma inn af fleiri leikmönnum, o.s.fr.v.

2003-05-28T11:50:00.000Z

LEIKUR GEGN FRIDAYS
Skyndibitastaðurinn Fridays eru mótherjar okkar í Carlsberg deildinni í kvöld. Tekinn var æfingaleikur í gær á Kaplakrikavelli, létt upphitun fyrir leik kvöldsins. Leikurinn í kvöld er svo sannarlega stórleikur því Fridays hafa unnið báða sína leiki í deildinni stórt. En við munum að öllum líkindum tefla fram nýja sóknarmanninum okkar, honum Dóra, í kvöld. Hvet alla til að mæta á leikinn með góða skapið í góða veðrinu. Leikmenn mæta 20:30 en hálftíma síðar hefst leikurinn.

2003-05-26T15:06:00.000Z

21:00
Leikur okkar á fimmtudaginn gegn Fridays er kl.21:00 en ekki 22

Búningar
Vil minna menn á að passa nýju búningana sína vel.

2003-05-23T12:12:00.000Z

Albert kvaddi með látum
Albert Sölvi Óskarsson heldur senn á Sauðárkrók og mun því ekki spila með Vatnaliljunum á næstunni. Hann kvaddi með miklum látum í gær þegar Vatnaliljurnar léku sinn annan leik í Carlsberg-deildinni gegn FC Birgittu Haukdal. Leikurinn fór rólega af stað en Vatnaliljurnar voru mun sterkari og fékk undirritaður m.a. dauðafæri en klúðraði því á mjög kjánalegan hátt :-) Í fyrsta sinn í sögu Vatnaliljanna komumst við 1-0 yfir en þar var að verki Albert Sölvi Óskarsson sem fékk nóg pláss og tíma til að skjóta. Staðan 1-0 í hálfleik.

Í seinni hálfleiknum náðu mótherjarnir að jafna gegn gangi leiksins og allt í járnum. Albert var alls ekki hættur og kom okkur aftur yfir. Staðan 2-1. Í þeirri stöðu átti Birgitta skot í stöngina, í næstu sókn þar á eftir brunuðum við upp og var það Magnús Halldórsson sem kom okkur í 3-1 eftir sendingu Jóa. Magnús Ingvason gulltryggði síðan 4-1 sigurinn við mikil fagnaðarlæti.

Maður leiksins: Albert.

Liðið í gær:
Olli - Maggi Kók, Albert, Jói, Andri, Elvar, Kristján (f) | Varamenn: Guðni (m), Viktor, Daði, Oddur, Maggi H, Magnús I.

Stórssamningur
Undirritaður var samningur í gær milli Viktors og Vatnaliljanna þess efnis að heimili hans verður opinbert félagsheimili Vatnaliljanna og munu þar fara fram fundir fyrir leiki. Í gærkvöld og nótt var hannað nýtt þjálfaraforrit sem notað verður á fundunum. Er þetta talinn mikilvægur samningur í sögu Liljanna.

2003-05-22T08:26:00.000Z

Leikur í kvöld
Í Carlsberg deildinni.
Mótherjar: FC Birgitta Haukdal.
Leikur hefst 21:00 en mæting 20:30 hjá leikmönnum.
Byrjunarlið verður bara að koma í ljós en ég skal gefa það upp að Elvar Geir Magnússon verður í byrjunarliðinu, Olli stendur í markinu til að byrja með og Kristján Ari verður í fremstu víglínu (er ekki veikur, aldrei þessu vant). Það verður hart barist!

2003-05-21T11:16:00.000Z

Æfing í kvöld (mið) kl.21:30 á Leiknisvelli
Annar leikur á morgun í Carlsberg deildinni gegn FC Birgittu Haukdal svo mikilvægt að sem flestir mæti! Forföll skulu boðuð í Spjall-kerfið hér til vinstri.

2003-05-19T15:45:00.000Z

Orðið á götunni
Miklar sögur hafa gengið um fjöllin undanfarna daga þess efnis að Vatnaliljurnar væru að bæta þremur nýjum leikmönnum í hópinn. "Já, ég get staðfest að óopinberar viðræður hafa farið fram. Við ætlum að reyna að bæta þessum þremur leikmönnum við og svo loka leikmannamarkaðnum af okkar hálfu." sagði Elvar framkvæmdarstjóri þegar fréttaritari hafði samband við hann. "Þeir hafa allir lýst yfir áhuga sínum á að gerast Vatnaliljur en aðeins á eftir að semja um kaup og kjör."

Flestir getum við verið sammála um að styrkja þurfi sóknarlínuna og þurfum við alvöru markaskorara. Einn sóknarmanna okkar hefur nú yfirgefið liðið og ætlum við að reyna að fá mann til að fylla hans skarð. Viðræður hafa verið við Halldór Hilmar Sigurðsson en þær eru skammt á veg komnar. Stjórnin laggði leið sína upp í Breiðholtið til að fylgjast með honum í leik, hann fór illa með mörg góð færi þar en ætlum við ekki að dæma hann af þeim leik.

Þá mun Albert spila sinn seinasta leik fyrir félagið á fimmtudaginn. En við höfum fundið rétta manninn til að leysa hans skarð, Harald Pál Jónsson. Hefur hann lýst yfir áhuga sínum á að kíkja á æfingu hjá okkur og sjá svo til með framhaldið.

Þriðji leikmaðurinn er hugsaður með framtíðina í huga. Hann er ungur sóknarmaður úr Mosfellsbæ en mun ekki verða fastamaður í Vatnaliljunum fyrr en eftir nokkur ár a.m.k. Magnús Már Einarsson heitir hann og spilar með UMFA. Hann mun þó æfa með aðalliði Vatnaliljanna á næstunni.

Æfing á miðvikudag, leikur fimmtudag
Næsti leikur okkar í deildinni er gegn liði FC Birgittu Haukdal sem tapaði 1-6 í fyrstu umferð. Leikurinn hefst kl.21:00 á fimmtudagskvöld og verður leikið á Leiknisvelli. Daginn fyrir leik tökum við æfingu á sama velli en hún hefst 21:30. Við eigum að geta stillt upp sterku liði á fimmtudaginn þó óvíst sé með þátttöku tveggja-þriggja leikmanna.

2003-05-17T13:54:00.000Z

Fann þetta á alnetinu... á heimasíðu fótboltafélags Henson. Tekið úr umfjöllun um leik við Ufsann:
"Ufsinn virtist beita sömu taktík og Hómer í síðasta leik. Þ.e. liggja mjög aftarlega og verjast vel en sækja á fáum mönnum."
Greinilega hefð fyrir þessari taktík hjá þeim.
"Eftir markið pirruðust leikmenn Ufsans sem von er og einn eða tveir fengu gult fyrir kjaftbrúk sem endaði með því að dómarinn þurfti að vísa einum af velli fyrir að segja and I quote: Djöfulsins fávitinn þinn.... Mjög gáfulegt komment þegar hálf mínúta er eftir, en eins og ég segi voru menn svekktir."
Já þeir eru samir við sig strákarnir.

2003-05-16T12:24:00.000Z

Vatnaliljurnar - Ufsinn 2-2
Fyrsti leikur okkar Vatnaliljanna í Carlsberg deildinni var í gær gegn Ufsanum. Fyrirhugað byrjunarlið breyttist lítillega og komu Maggi H og Friðrik inn í byrjunarliðið. Ufsamenn lögðu höfuðáherslu á vörnina og var það að leggjast illa í okkar menn og mikið að fara í taugarnar á þeim. Þeir byggðu upp á skyndisóknum og komust yfir í leiknum með skoti sem Guðni átti ekki sjens í. Staðan í hálfleik 1-0 fyrir þá.

Nokkur hiti var hlupinn í leikinn og var ótrúlegt að sjá hvað nokkrir leikmenn mótherjanna gátu tuðað endalaust. Þrátt fyrir ófá tilmæli okkar sem bentu þeim á að spila bara fótbolta þá hættu þeir vælinu ekki. Sóknarmönnum okkar áttu í erfiðleikum með að brjóta vörn Ufsans á bak aftur en það kom á endanum þegar Jói skoraði eftir undirbúning og skot Magnúsar Ingvasonar. Jói var tæpur í leiknum vegna meiðsla en kom þó inn á með nýtt og ferskt blóð og sýndi hve mikilvægur hann er liðinu.

Ufsamenn komust aftur yfir með marki sem við áttum aldrei að fá á okkur. Varnarmistök og mjög svekkjandi að fá þetta mark á sig. Sami maðurinn fékk ótal skot-tilraunir og mátti góður markvörður okkar, Olli, hafa sig allan við að reyna að verja þessa skothríð. Arfaslakur dómarinn var heldur ekki á okkar bandi og átti marga stórfurðulega dóma, fór boltinn m.a. einu sinni greinilega í höndina á einum Ufsanum innan teigs en ekkert var dæmt. Undir lok leiksins brutust síðan út slagsmál og var það leiðinlegt mjög. Sitthvort liðið missti mann útaf með rautt spjald. Í blálokin stóð síðan Sauðkræklingurinn Albert við orð sín og jafnaði metinn í 2-2. Það urðu úrslit leiksins.

Við þökkum þó Ufsanum fyrir leikinn en vonum að ef við mætum þeim aftur verði meira um fótbolta (vitum að við erum ekki alveg saklausir). En ég er sáttur við liðið og leikmenn okkar. Margir voru tæpir vegna meiðsla. Albert var greinilega tæpur og það sama má segja um Jóa og Magga H. Kristján fyrirliði gekk ekki heill til skógar vegna veikinda. En baráttan var mikil í þeim og sá maður Vatnaliljuandann koma upp.Seinna í dag væntanlega munu koma inn einkanir fyrir einstaka leikmenn en ónafngreindur leikmaður mun sjá um þær.

Næsti leikur er gegn FC Birgittu Haukdal eftir viku. Á næstu æfingu verða hornspyrnur æfðar og svo spilað af gömlum sið.

Frá þjálfaranum:
Ég reyni eftir minni bestu getu að vinna mitt starf heilshugar, leiðinlegt þykir mér þó þegar leikmenn gagnrýna stjórnunarhætti og störf mín. Enn leiðinlegra þykir mér þegar leikmenn gagnrýna samherja sína fyrir fáránlega hluti. Sérstaklega þegar ráðist er harkalega að einum leikmanni sem á það alls ekki skilið. Friðrik er ekki lengur hluti af Vatnaliljunum. Takk fyrir.

EGM

2003-05-15T12:30:00.000Z

Heimasíða mótherja okkar í kvöld, Ufsans.

2003-05-15T10:28:00.000Z

Vatnaliljurnar vs.Ufsinn kl.21:00 í kvöld!
Leiknisvöllurinn mun iða af lífi í kvöld þegar Vatnaliljurnar leika þar sinn fyrsta leik í Carlsberg utandeildinni. Við spilum hina margrómuðu leikaðferð 2-3-1 en allir leikmenn þurfa að taka þátt í varnarleiknum og draga sig aftur. Annars á þetta ekkert eftir að ganga. Byrjunarliðið var tilkynnt á æfingu í gærkvöldi:

Guðni Rúnar Gíslason
Magnús Gísli Ingibergsson
Magnús Ingvason
Kristján Ari Halldórsson (f)
Andri Stefánsson
Albert Sölvi Óskarsson
Ari Björn Jónsson

Það gæti þó verið að byrjunarliðið muni breytast aðeins fyrir leik þar sem að Albert Sölvi Óskarsson gekk ekki heill frá skógi á æfingu gærdagsins. Við krossleggjum samt fingur og vonum að hann verði tilbúinn í kvöld.

Annars var ég að heyra að Ufsamenn væru engin lömb að leika sér við! Hafa unnið 11 manna Utandeildina tvisvar og 11 manna bikarkeppnina jafn oft. En við höfum metnaðinn, ferskleikann og léttleikann. Kjörorð dagsins verður BARÁTTA!!!

2003-05-14T10:43:00.000Z

Æfing í kvöld kl.21:30 á Leiknisvelli
Fyrsti leikur á morgun í Carlsberg deildinni gegn Ufsanum svo mikilvægt að sem flestir mæti!

2003-05-12T22:53:00.000Z

Carlsberg deildin að byrja
Nú fer að styttast í að Carlsberg utandeildin í 7 manna bolta fari af stað. Fyrsti leikur Vatnaliljanna verður kl.21:00 á fimmtudaginn gegn Ufsanum. Byrjunarliðið verður tilkynnt á æfingunni kl.21:30 á miðvikudagskvöldið. Í ár eru skráð til leiks 16 lið í keppninni sem spila í 2. riðlum. Þegar riðlakeppni er svo lokið verður spilað um 1.-8. sæti og svo 9.-16.sæti.

Okkur barst bréf...
Hjálagt er leikjariðurröðun fyrir sumarið. Ef eitthvað breytist þá verður það strax tekið fram og sent ykkur ASAP.
Það er verið að vinna í Carlsberg síðunni. Þar er smá vandamál við að glíma, en það ætti að lagast annað hvort í dag eða morgun.
Svo minni ég á að greiða þarf restina af þátttökugjaldinu, helst í komandi viku.
Kveðja, Óli G.

B-RIÐILINN
FC Birgitta Haukdal
Vatnaliljurnar
Elliði
Væringjar
Jónatanlæknir
Innri Fegurð
Ufsinn
Fridays

Í A-riðlinum leika: Pósturinn, Hvatur, BG, Bílanaust, Ferro Zink, Sportlíf, Hávarður, DC Dragon.

EGM

2003-05-11T00:15:00.000Z

Vatnaliljurnar skora mörkin fyrir Ír
Það vakti mikla athygli fréttaritara þegar hann laggði leið sína á Ír-völlinn í dag að hvolpurinn Kristján Ari Halldórsson fyrirliði Vatnaliljanna var í fremstu víglínu hjá 2.flokki Ír sem tók á móti FRAM. Kom skemmtilega á óvart því Kristján er fæddur 87 og er því í 3.flokki og var bara að vonast eftir því fyrir leikinn að fá að koma inná.

Snemma leiks kom einhver dónalegur FRAMari og sparkaði boltanum í andlit Kristjáns með þeim afleiðingum að hann fékk blóðnasir. Hann fór að varamannabekk Ír liðsins og bað um eitthvað til að troða upp í nös sína en það eina sem þeir höfðu upp á að bjóða var afrit af kvittun frá sjúkraþjálfara. Kristján lét það nægja og tróð kvittuninni upp í nefið á sér. Hann gerði sér lítið fyrir og kom Ír-ingum yfir í leiknum gegn feykilega vel mönnuðu FRAM-liðinu með glæsilegu marki sem skorað var með hægri fæti (hann er örvfættur) og með sjúkraþjálfarakvittun í nefinu!

FRAM jafnaði í 1-1 en annar leikmaður Vatnaliljanna, Arnar Magnússon, kom inn á sem varamaður og kom Ír aftur yfir í leiknum! En FRAM skoraði þau tvö mörk sem til þurfti til að vinna 3-2 en það fellur í skuggann af mörkum Vatnaliljanna tveggja...
________________
Jói býst ekki við að geta verið með á fimmtudaginn vegna meiðslanna... slæmt mál en maður kemur í manns stað.

Áfram höldum við að skoða myndir af leikmönnum okkar þegar þeir voru litlir pollar í grunnskóla... næstur í röðinni er Magnús Halldórsson.

2003-05-10T14:56:00.000Z

Hvernig standa málin fyrir leikinn á fimmtudaginn?
Fyrsti leikur okkar í Carlsberg-deildinni verður á fimmtudaginn gegn Ufsanum á Leiknisvelli en leikur hefst kl.21:00. Við stefnum að sjálfsögðu á sigur í þessum leik og vonumst til að stilla upp okkar sterkasta liði. Margir spyrja sig annars hvað sé að frétta af ákveðnum leikmönnum okkar og ætla ég að svara þeim.

Albert: Á við smávægileg meiðsli að stríða sem hafa aftrað honum frá því að mæta á æfingar en býst við að verða orðinn leikfær á fimmtudaginn. Enda eins gott þar sem þetta verður hans seinasti leikur fyrir félagið í bili þar sem hann flyst á Sauðárkrókinn.
Andri: Mætti ekki á miðvikudaginn vegna vinnu en verður klár í slaginn á fimmtudag.
Ari: Tilkynnti um meiðsli á hægri fæti í gær.
Guðjón: Mætti ekki á seinustu æfingu vegna anna en verður með á miðvikudaginn.
Jói: Verður að keppa með Ír fyrr um kvöldið (ásamt fleirum reyndar) og byrjar því líklega á bekknum.
Knútur: Meiddur en verður á hliðarlínunni.
Maggi Halldórs: Á við meiðsli að stríða en verður vonandi klár á fimmtudag.
Maggi Ingvars: Vill ekki taka pláss frá þeim sem hafa verið að mæta á æfingar en eftir smá tiltal mætir hann pottþétt.
Maggi Kók: Hefur misst sæti sitt í byrjunarliði HK en ekki í liði Vatnaliljanna.
Olli: Meiddur en verður allavega á bekknum á fimmtudag samkvæmt nýjustu fréttum, Guðni mun þá byrja inná.
Sigurjón: Enn að jafna sig eftir uppskurðinn... verður kannski á bekknum.
Steinar: Segist ekki vera í neinu leikformi en ætlar að reyna að mæta þrátt fyrir það.
Tommi: Próflestur og kvennastúss hafa aftrað honum frá því að mæta á æfingar en hann verður með á fimmtudag... ég veit ekki betur!

Já, það eru margir sem eru ansi tæpir! En við erum með breiðan leikmannahóp. Byrjunarliðið verður ákveðið á miðvikudaginn í Kópavogslauginni og tilkynnt hér á síðunni um kvöldið. - Elvar

2003-05-08T11:53:00.000Z

Æfingin í gær
Ég skemmti mér vel á æfingu gærdagsins... þá er markmiðinu náð. Var bara nokkuð sáttur við þetta allt saman. Nema meiðsli leikmanna að sjálfsögðu. Ekki góð tíðindi frá Olla hér að neðan. Það voru fleiri sem fóru ekki vel út úr æfingu gærdagsins eins og sjá má á þessari mynd. ATH! ALLS EKKI FYRIR VIÐKVÆMA! Þarna má sjá löppina á Magga H. eftir gærdaginn... Góðan daginn.

Skokkklúbburinn
Um að gera að koma þeim leikmönnum sem ekki eru að æfa fyrir utan Vatnaliljurnar með því að hafa sérstakan skokk/sund-klúbb. Hann hefur væntanlega sína starfsemi í næstu viku. Vúhú!

2003-05-08T00:47:00.000Z

Ha var einhver að kalla á markmanninn ??

Já svona er að fara kaldur í leik!!! Eftir heimkomu mína af æfingu núna áðan, fór ég að finna fyrir grunnsamlegum verkjum í hægri upphandlegg. Kallaði ég þá til systur mína sem er sjúkraþjálfari og er hún nú búin að úrskurða mig í keppnis/æfinga hlé um nokkurn tíma.
Stafar það að því að mér virðist með einhverjum hætti tekist að slíta upp úr vöðvafestingu fyrir "bæseppinn" og á það víst að taka einhvern tíma að gróa um heilt.
Ég mun láta ykkur vita af framvindan mála.

Kveðja Olli

2003-05-07T18:19:00.000Z

Fyrir einhverjum fimm-sex árum síðan gerði Gunnar Örn þessa síðu sem er heimasíða vikunnar hér hjá okkur. Gaman að sjá Liverpool dissið á síðunni.

Svo ætlum við á næstu vikum að birta myndir af leikmönnum okkar þegar þeir voru litlir strákar. Við byrjum á honum Jóa og svo er Oddur næstur bráðlega. Þessi mynd var tekin af Jóa þegar hann var í grunnskóla strákurinn.

2003-05-07T14:51:00.000Z

Aðgangur að síðunni
Markvörðurinn Olli var að fá aðgang að skrifum hér á síðuna. Þar með eru eftirtaldir með aðgang: Oddur, Guðni, Elvar, Maggi H. og Olli. Ef fleiri hafa áhuga þá láta þeir mig bara vita. Ég ætla að neyða þá stjórnarmeðlimi sem eru ekki með aðgang til þess að læra á þetta drasl svo öll stjórnin geti viðrað sínar skoðanir.

2003-05-07T10:41:00.000Z

Breyttur leiktími
Fyrsti deildarleikurinn gegn Ufsanum verður kl.21:00 fimmtudaginn 15.maí. Takið þann tíma frá!

Æfing í kvöld
Í kvöld miðvikudag 7.maí verður haldin æfing kl.21:30 á Leiknisvellinum. Forföll skulu boðuð í spjallborðið hér til vinstri.

2003-05-06T18:44:00.000Z

Fundirnir í gær
Carlsberg-deildar kynningarfundurinn
Elvar og Guðni fóru á sérstakan fund í Leiknisheimilinu þar sem Carlsberg deildin var kynnt. Leist þeim bara vel á þetta. Dregið var í riðla og leikum við í B-riðli með liðum á borð við FC Birgittu Haukdal. Okkar fyrsti leikur verður fimmtudaginn 15.maí kl.19:00 á Leiknisvelli gegn Ufsanum. Verður það kveðjuleikur Alberts en hann flyst á Sauðárkrók nokkrum dögum síðar. Við leikum síðan á fimmtudögum í sumar. Takið því fimmtudaga frá! Allir leikmenn okkar verða löglegir í sumar sem er ansi gott.

Stjórnarfundurinn
Ýmislegt var ákveðið á stjórnarfundinum heima hjá Oddi í gær. Meðal annars var skipaður varaformaður félagsins en það er Andri nokkur Stefánsson. Fundurinn heppnaðist vel að öllu leyti og mætingin var ekki af verri kantinum, allir sem áttu að mæta mættu og rúmlega það. Við munum á næstu dögum birta ítarlega greinargerð á öllum niðurstöðum fundarins hér á síðunni. Svo þið skuluð vera viðbúin!

2003-05-04T11:01:00.000Z

Fundirnir á mánudag
Búist er við að stjórnin öll geti mætt á stjórnarfundinn sem haldinn verður í félagsmiðstöðinni Grjónabæ. Fundardagskrá má finna hér að neðan en ef þú vilt að eitthvað sérstakt verði tekið fyrir þá máttu leggja það til hér á vinstri hönd í spjallinu.

Leikmannalistinn
Myndir af leikmönnum eru að hrannast upp á leikmannalistann og í gær komu þrjár nýjar inn. Af Guðna, Grjóna og Kristjáni. Myndatökur munu halda áfram út þennan mánuð.

2003-05-03T14:21:00.000Z

Fundarhöld
Það styttist óðum í að keppni okkar í Carlsberg-deildinni hefjast en framkvæmdarstjóri og formaður liðsins fara á sérstakan kynningarfund deildarinnar á mánudagskvöld. Þar verður gefin út sérstök spá fyrir sumarið af þjálfurum og fyrirliðum liðanna 16 sem taka þátt. Einnig verður farið yfir framkvæmd mótsins en við munum greina frá þessu öllu saman í næstu viku hér á síðunni.

Strax eftir fundinn verður haldinn annar fundur. Stjórnarfundur Vatnaliljanna þar sem ýmis mál verða rædd. Aðeins stjórnarmenn verða boðaðir á fundinn en ef þú hefur eitthvað að segja ert þú velkominn líka. Nákvæm fundardagskrá er ekki komin út og því alltaf hægt að bæta við. Hér eru þó drög að fundinum:

1. Nýr meðlimur fjármála- og markaðsstjórnar boðinn velkominn.
2. Carlsberg deildin - Skýrt frá því helsta sem kom fram á kynningarfundinum.
3. Leikmannamál - Hverjir verða með af krafti í sumar?
4. Æfingar - Fjölgun æfinga? Mætingar.
5. Fjármál
6. Líkamlegt ástand leikmanna
7. Léttar veitingar og frjálsar umræður um komandi sumar.

Spjallið
Gaman að sjá hve spjallið hér til vinstri hefur verið vel nýtt. Hefur það meira að segja orðið til þess að Tommi lét heyra í sér og er það jákvætt. Haldið áfram að láta gamminn geysa.

2003-05-02T20:02:00.000Z

13 ára gamall!!!

Um daginn spurði 13 ára gutti mig hvort hann mætti kíkja á æfingu hjá Vatnaliljunum. Ég sagði honum að því miður væri hann full ungur. Ef þessi strákur hefði verið svipaður Freddy Adu hefði ég leyft honum að koma. Hver er Freddy Adu? Hann er 13 ára leikmaður frá Ghana sem lítur út fyrir að vera tíu árum eldri en hann er og spilar með u-17 ára landsliði Bandaríkjanna. Þar hefur hann hreinlega brillerað. Þessi strákur er algjört undrabarn og er bjartasta vonin í Bandaríska fótboltanum. Lesið nánar um hann á þessum síðum: 1 | 2 | 3 |

Stefnt er á stjórnarfund á mánudaginn, strax eftir Carlsberg-deildar fundinn.
Elvar

2003-05-01T20:24:00.000Z

Fréttatilkynning frá Carlsberg deildinni.

2003-05-01T15:57:00.000Z

Steinar kannaður
Eins og allir vita þá vonast Vatnalililjurnar til að geta notið krafta Steinars Þórs Guðgeirssonar sem mest og oftast í sumar. Eini njósnari Vatnaliljanna fór í gær á 1.flokks leik FRAM og Leiknis til að fylgjast með Steinari. Kom hann með þá sögu til baka að Steinar sé ekki í mjög góðri leikæfingu en hann kann víst alveg að spila fótbolta ennþá. Steinar var valinn efnilegasti leikmaður Íslandsmótsins og er fyrrum leikmaður FRAM og ÍBV. Óvíst er hvað hann ætlar að vera með í mörgum leikjum í sumar en það á allt eftir að koma betur í ljós.

Elvar

2003-05-01T10:59:00.000Z

Breytingar á síðunni
Nú er verið að standa í bætingum og breytingum hér á Vatnaliljusíðunni. Komið er inn spjallborð og búið að endurskoða leikmannalistann. Grjóni er t.d.kominn inn. Á æfingu í gær voru teknar nokkrar myndir af leikmönnum og verða þær komnar inn bráðlega, þá verður hægt að klikka á leikmenn á listanum og fá upp mynd af viðkomandi. Ástæðan fyrir því að verið er að bæta síðuna er sú að keppni í Carlsberg-deildinni fer senn að hefjast og viljum við geta þjónustað leikmenn og stuðningsmenn vel í gegnum síðuna.

Ég vil líka taka það fram að lítið mál er að veita leikmönnum aðgang að því að skrifa á síðuna ef þeir hafa áhuga... ekki flókið dæmi. Sem stendur erum við þrír með aðgang: Elvar, Oddur og Guðni.

Mætingar
Mæting á æfinguna í gær var ekki alveg nógu góð, níu kvikindi létu þó sjá sig þrátt fyrir fimbulkulda og próflestur. Vil ég taka hattinn ofan fyrir þeim leikmönnum sem tilkynna það að þeir komi ekki. Lítið mál er að gera það með litlu SMS-i í 6977565 eða þá nota nýjungarnar og tilkynna það á spjallborðinu hér til vinstri. Mér finnst þó gaman þegar leikmenn sýna metnað og taka þátt í æfingunni þrátt fyrir smávægileg meiðsli.

...og ætli maður verði ekki að gera Guðna til geðs og hrósa honum fyrir mörkin þrjú sem hann skoraði í gær. Hann er samt enn markvörður hjá liði okkar.
Elvar

2003-04-30T12:27:00.000Z

Samstarf milli Inter og Vatnaliljanna
Hector Cuper framkvæmdarstjóri ítalska liðsins Inter setti sig í samband við Vatnaliljurnar í dag til að spyrjast fyrir um Knút. Ástæðan er sú að Christian Vieri framherji Inter á við sömu meiðsli að stríða um þessar mundir og hann Knútur. Cuper hefur áhuga á samvinnu stórliðanna tveggja við að koma leikmönnunum aftur í leikform. Vegna prófa kemst Knútur ekki til Ítalíu og því hefur verið ákveðið að Vieri muni koma hingað til lands í endurhæfingu. Verður þetta unnið í samvinnu við Mekka Spa og Baðhús Lindu. Munu Knútur og Vieri því standa saman í baráttunni og aðstoða hvor aðra í gegnum þessi erfiðu meiðsli. Ekki er lokum fyrir það skotið að félögin tvö muni eiga frekara samstarf á næstunni.

Elvar

2003-04-30T08:47:00.000Z

Í kvöld er æfing...
...21:30 á Leiknisvelli. Allir sem eru til í fótbolta mega mæta.

Á morgun er 1.Maí...
...Það er Verkalýðsdagurinn.

2003-04-29T15:02:00.000Z

Knútur ekki við eina fjölina felldur
Knútur var ekki sáttur við það að engin mynd var af honum í Myndaalbúmi Vatnaliljanna og sendi mér þessa mynd af sér. Það er ekki annað hægt að segja en að hann pósi andskoti vel á myndinni. Annars fengum við þá hugmynd að opna undirsíðu hér þar sem fram færi keppnin HERRA VATNALILJA 2003. Ég myndi þá taka myndir af leikmönnum sem vilja taka þátt. Tvær gerðir, ein í sundi t.d. og önnur við dagleg störf. Svo væri hægt að kjósa á síðunni. Látið mig vita á msn hvernig ykkur líst á þessa hugmynd hjá mér og Knúti.

Elvar

2003-04-28T17:50:00.000Z

Til að reyna að jafna okkur á því að enginn leikur var á sunnudaginn þá er hér ýmislegt sem gaman er að skoða í þunglyndinu:

Myndasafn - Vatnaliljur í leik og starfi.

Vefur Carlsberg deildarinnar er ekki lítið flottur.

Elvar

2003-04-26T23:21:00.000Z

ENGINN LEIKUR Á MORGUN
ELKO-MENN BÁÐU UM FRESTUN VEGNA VEIKINDA LIÐSMANNA!!!

2003-04-26T17:27:00.000Z

Carlsberg Deildin & Fjármál.
Jæja faxar, nú fer að styttast í sumarið og því er upplagt að fara að betla pening á næstunni.
Okkur vantar 39.000 og mega menn nú sýna framsækni sýna og hetjuskap með fjáröflun af hvaða tagi sem er.
Drengir, notið samböndin og talið við alla þá er vettlingi geta valdið. Ef ykkur vanhagar um reikningsnúmer hafið
þá bara samband við mig eða Knút.
kv. oddur

2003-04-26T12:25:00.000Z

Fjármála- og markaðsstjórn
Knútur Birgir Otterstedt hefur gengið til liðs við Fjármála- og markaðsstjórn Vatnaliljanna. Eins og kemur fram hér að neðan verður hann lítið með í sumar en ætlar samt að leggja sitt af mörkum. Þessi Fjármála- og markaðsstjórn er þá skipuð þeim Oddi og Knúti.

SUNNUDAGUR
Kl.18:30 - VATNALILJURNAR - ELKO
Leiknisvöllur.
Æfingaleikur.

2003-04-25T17:32:00.000Z

Knútur out of the season
Nýji framherjinn okkar hann Knútur mun lítið spila með okkur í sumar vegna erfiðra meiðsla í hné. Þetta er mikið áfall fyrir okkur en við stöndum við bakið á Knúsa og hann við bakið á okkur. Hann mun mæta hress í stúkuna í sumar og fylgjast með. Verður m.a. á leiknum gegn Elko á sunnudaginn kl.18:30! (Smá plögg). Við höfðum samband við Knút og spurðum hann hvað væri að? " Ég er með slitin liðþófa í hnénu. Hann var næstum gróinn en rifnaði aftur upp í gær eftir að ég lenti í samstuði við Olla og blökkumanninn Hafstein."

2003-04-24T12:41:00.000Z

Æfingin í gær
Æfing gærdagsins heppnaðist að öllu leyti mjög vel. Mæting var bara nokkuð góð, á óvart kom að Andri lét ekki sjá sig en hann hefur verið manna duglegastur að mæta á æfingar, sagði hann veikindi hafa komið í veg fyrir hans þátttöku. Guðjón Heiðar Valgarðsson mætti á sína fyrstu æfingu og stóð sig vel. Þetta var einni fyrsta opinbera æfing Olla í markinu og verður spennandi að sjá til hans í framtíðinni. Nokkrir leikmenn áttu við einhver meiðsli að stríða í gær og kallaði það fram áhyggjur hjá Framkvæmdarstjóranum. Þær áhyggjur eru sem betur fer að öllum líkindum óþarfar. Albert meiddist eitthvað á tá og Daði Freyr átti við einhver meiðsli að stríða en þetta er væntanlega ekkert alvarlegt og þeir verða líklega í byrjunarliðinu á sunnudaginn.

Leikur gegn Elko á sunnudaginn kl.18
Við mætum Elko mönnum aftur á sunnudaginn á Leiknisvellinum kl.18:00. Samningaviðræður hafa staðið milli Elko og Jóa en hann sér um skipulaggningu á þessum æfingaleik. Að þessu sinni verður leikið í 11 manna liðum og er allt útlit fyrir að Vatnaliljurnar geti stillt upp sínu sterkasta liði. Jóhann verður ekki vant við látinn að þessu sinni og þá mun Albert verða með en þetta verður hans kveðjuleikur. Hann er á leið til Tindastóls á Sauðárkróki en mun örugglega snúa aftur í búning Vatnaliljanna fyrr en síðar.

Kveðja,
Elvar

2003-04-23T12:02:00.000Z

Æfing í kvöld, miðvikudaginn 23.Apríl
Hefst kl.21:30 á Leiknisvellinum. Ari hefur boðað forföll og þá munu Maggi H og Jói ekki mæta vegna meistaraflokksæfingar sem ÍR stendur fyrir.

Albert Sölvi ekki með Liljunum í sumar
Í gær varð það endanlega staðfest að varnar/miðjumaðurinn Albert Sölvi Óskarsson mun ekki leika með Vatnaliljunum í sumar vegna búferlaflutninga til Sauðárkróks þar sem hann mun spila með Tindastóli. Þó verður reynt að fá Albert í einhverja leiki með okkur í sumar en það verður þó hæpið. Við óskum Alberti velfarnaðar í nýju landi og búumst við að sjá hann aftur í Vatnaliljubúningnum síðar...

Elvar

2003-04-21T13:21:00.000Z

Enginn Torstein til Vatnaliljanna
Það er orðið ljóst að Torstein Meland mun ekki feta í fótspor Lee Sharpe og spila á Íslandi í sumar. Eins og við sögðum frá fyrr í mánuðinum þá fékk hann tilboð í hendurnar frá okkur og lagði á það mikið mat. Ágreiningur kom upp á milli okkar og Torsteins í sambandi við fjárhagslegu hlið samningsins og var okkur því ljóst að Torstein myndi verða of dýr kostur fyrir okkur.

Ákveðið hefur verið að hætta leit að leikmönnum erlendis frá og einbeita okkur að þeim innlendu. Annars sagði þjálfari okkar Elvar Geir þetta um málið "Auðvitað hefði verið gott að fá erlendan leikmann af hans styrk. Við eigum þó nóg af leikmönnum sem geta hlaupið í skarðið og er ég ekki hræddur um komandi tímabil. Liðið mun berjast eins og heild og þannig munum við ná mestum árangri. Einn leikmaður til eða frá er ekki það sem gerir gæfumuninn."

Kveðja,
Formaðurinn

2003-04-17T23:17:00.000Z

Skokkum strákar!
Sat við tölvuna þegar ég hugsaði mér hvað það væri sniðugt ef allir tæku sig til og losuðu sig við páskakílóin með skokki.(Þetta á sérstaklega við Jóhann nokkurn Björnsson) Mætum í góðu formi eftir fríið og höfum líkamlegt forskot á hin liðin!

Kveðja,
Guðni Formaður...

2003-04-16T18:50:00.000Z

Æfing í kvöld
Kl.21:30 á Leiknisvellinum. Náum páskamatnum af okkur fyrir páska!

Meiðsli
Kristján fyrirliði gengur ekki alveg heill til skógar eftir handboltabasl helgarinnar. Til að bæta gráu ofan á svart þá var Elvar þjálfari næstum búinn að blinda strákinn með því að berja kork í augað á honum í sundlaug einni hér í bæ í dag. Deilur þeirra hafa nú verið lagðar til hliðar.

Fylgst grannt með...
Framkvæmdarstjórinn laggði leið sína í Árbæinn í gær til að fylgjast með þeim Vatnaliljum sem voru að keppa með öðrum flokki ÍR gegn Fylki. Lét hann mikið bera á sér meðan á leik stóð til að fá leikmenn til að vita að það er fylgst með þeim... allan daginn! Leikmenn verða þó ekki dæmdir af þessum leik þar sem hann var drulluleiðinlegur áhorfs og frekar tilþrifalítill, Fylkir sigraði 1-0.

2003-04-15T17:38:00.000Z

Staðfestingargjaldið...
Við verðum að fara að borga þennan 10.000 kall sem fyrst til að staðfesta þátttöku okkar í 7 manna utandeildinni í sumar. Þeir sem hafa laggt sinn 1000 kall að mörkum eru: Maggi, Elvar, Knútur, Daði, Olli, Oddur, Viktor og Andri. Hann Ari ætlar að borga á morgun en um hina veit ég ekki...

Til hamingju Kristján
Kristján Ari Halldórsson fyrirliði okkar Vatnaliljanna varð um helgina íslandsmeistari með ÍR í 4.flokki karla í handbolta eftir æsispennandi leik gegn liði Fram í úrslitaleik. Heimildir herma að Kristján hafi haldið liði ÍR uppi í leiknum.

EGM

2003-04-13T20:09:00.000Z

Leitað eftir nýjum leikmönnum...
Það er orðið víst að Hannes Sigurðsson mun að öllum líkindum ekki spila fyrir hönd Vatnaliljanna í sumar. Við svipuðumst eftir honum á leik Vikings og Bryne í norsku deildinni í dag og fékk hann að spreyta sig síðustu mínúturnar. Ljóst er að Hannes mun verða of dýr fyrir Vatnaliljurnar þó svo að liðið þurfi nauðsynlega á sóknarmanni að halda.
Vatnaliljurnar munu hinsvegar leitast eftir ódýrari kostum og má þar nefna Torstein Meland, 17 ára vinstri kantmann frá Hundvåg Idretsklubb sem við höfum boðið í. Með honum má nýta krafta fyrirliðans Kristjáns Ara betur og færa hann til á vellinum.

Torstein er leikinn leikmaður, öruggur með boltann og með góðar sendingar. hann býr þó ekki yfir hraða Kristjáns sem hefur nýst okkur vel. Búist er við formlegu svari frá Torsteini seinni part vikunnar.Það er þó aldrei að vita nema aðrir leikmenn muni bjóðast Vatnaliljunum á meðan dvölinni í Noregi stendur. Allir möguleikar eru fyrir hendi og vonandi er hægt að tilkynna um frekari liðsstyrk til Vatnaliljanna á næstu vikum.

Kveðja,
Formaðurinn.

2003-04-10T00:52:00.000Z

Góð mæting á fundinn
Nú fyrir stuttu lauk fundi hjá Vatnaliljunum þar sem framtíðin var rædd. Nóg kom af góðum hugmyndum en stefnt er að borga staðfestingargjaldið fyrir Utandeildina á mánudaginn. Ef það á að takast verða allir leikmenn sem ætla að vera með í sumar að láta Odd fjármálastjóra fá 1000 kall fyrir helgina! Vonandi fáið þið peninginn endurgreiddan til baka, þar að segja ef nógu vel gengur að sníkja hjá fyrirtækjum. Mæting á fundinn góð og menn komnir með nóg af verkefnum barasta... 12 manns mættu á þennan fund og þar af allir sem skyldugir voru að mæta nema Andri sem forfallaðist. Á þriðjudaginn verður svo líklega annar minni fundur þar sem stjórnin kemur saman og tekur ákvörðun varðandi framhaldið... hvort grípa þurfi til neyðarráðstafana!?!

2003-04-09T00:59:00.000Z

Þessar kellingar
Já, KSÍ eru ekki okkur hliðhollir því þeir hafa planað leik hjá 2.flokki kvenna í kvöld (miðvikudag) á Leiknisvelli kl.21:30 eða Á OKKAR TÍMA!!! Þar með frestast leikur okkar við SÁ enn frekar. Í staðinn verður haldinn fundur sem hefst á slaginu 21:00 í Spóahólum 8, í kvöld miðvikudaginn 9.Apríl. Eftirfarandi þurfa að mæta: Elvar, Guðni, Kristján, Andri, Oddur og Olli. Öðrum leikmönnum er frjálst að mæta en hvetjum við alla sem hafa eitthvað til málanna að leggja að gera það.

Dagskrá fundarins
21:00 Fundur settur
21:05 Karlrembubrandarar
21:10 Fortíð Vatnaliljanna
21:30 Nútíðin og Framtíðin
21:50 Leikmannamál
22:05 Hlé til Isspro spilunar
22:20 Aðalmál kvöldsins: Fjármálin og þáttaka okkar í 7 manna utandeildinni.
22:50 Verkaskipan
23:00 Fundi slitið og Isspro spilun heldur áfram

Allar nánari upplýsingar má nálgast hjá Elvari í síma 6977565.

Jói ekki í landsliðið
Guðni Kjartansson brást Vatnaliljunum í dag með því að velja Jóa ekki í aðalhóp u19 ára landsliðsins. Kemur næst Jói.

Elwar

2003-04-08T17:24:00.000Z

Fjármálastjóri
Stjórn Vatnaliljanna tók í dag inn nýjan mann. Oddur Þ. Jóakimsson hefur verið ráðinn fjármálastjóri liðsins. Ljóst var að það þurfti kröftugan mann í starfið því að eins og hægt er að lesa í fréttatilkynningunni hér að neðan þá kostar heilan 50.000 kall að taka þátt í Utandeildinni og hafa Vatnaliljurnar verið reknar á núllinu hingað til og ætlum við okkur ekki að lenda í veseni. Vil ég biðja allar Vatnaliljur um að hjálpa til að reyna að ná 50.000 kalli, m.a. með því að nota sambönd, tala við fyrirtæki, heimsækja ömmu og afa o.fl. Þá er verið að kanna grundvöllinn fyrir klósettpappírssölu. Velkominn til starfa Oddur!

Að öllum líkindum...
...leikur gegn SÁ á morgun í 7 manna bolta. Verið vel vakandi.

Elwar

2003-04-07T20:39:00.000Z

Fréttatilkynning
7 manna CARLSBERG Utandeildin fer á stað 13. maí.

Loksins er komið að því að geta auglýst 7-manna Utandeildina.

Byrjar 13. maí. Fer í frí ca. 25. júni og startar aftur ca. 7. ágúst.
Stefnt er að ljúka mótinu fyrir miðjan september.
Fríið er vegna framkvæmda við gervigrasið, en skipta á um það um mitt sumar.

Stefnt er að hafa sama fjölda og í fyrra. Þ.e. 12 lið.
Allir leika við alla og efsta liðið sigrar.
Haldin verður skrá um markaskorara, stoðsendingar og stig, og verður það vel uppfæra á Leiknissíðunni.
Leikið verður eftir reglum KSÍ um 7 manna bolta.

Verð er 50.000 alls, en staðfestingargjald (10.000) greiðist fyrir 1. maí.

Hægt er að skrá sig í síma 5578050 (Leiknishús, Doddi) á milli 15:00 – 21:00 alla 5 virka daga vikunnar.
Staðfestingargjald borgist þar.

Allar nánari upplýsingar verða sendar í pósti eða síma þegar nær móti dregur.

2003-04-06T17:32:00.000Z

Elwar Magnúson Party Liason
Vatnaliljur fjölmenntu heim til Elvars Magnússonar vors þjálfara og horfðu þar af kappi á Manchester United spila við Liverpool.
Leikurinn fór frekar brösulega af stað þar sem Hyppia fyrirliði poolarana braut á Ruud í markteig og var sendur af velli sem
var nú frekar leiðinlegur dómur þar sem það hafði mikið að segja þar sem Houllier pakkaði bara í vörn. Ruud skoraði vel
og örugglega og endurtók svo leik sinn með öðru marki úr víti eftir nokkra tugi mínútna. En svo gulltryggðu Solskjaer og
Giggs sigurinn með tveimur gullfallegum mörkum. Eftir leikinn fóru menn ýmist í Pro Evolution eða heim í bræði.
Ein af nýu liljunum mætti á svæðið og var vígður inní liðið með áskorun í Pro, kom hann vel á óvart og lagði
Jóhann að velli 3-2, tók svo Daða 5-1 en svo kom Grjóni og stöðvaði sigurgöngu Knúts með marki í framlengingu.
Vatnaliljur héldu svo uppá daginn hjá Elvari um kvöldið og var sú hátíð skemmtileg að öllu leyti.
Elvar á heiður skilinn fyrir hversu góður gestgjafi og skemmtanahaldari hann er og fær hann þann heiður að vissu.
kv. oddur

2003-04-05T18:38:00.000Z

Höldum þessu áfram...
Sem formaður klúbbsins vil ég endilega hvetja leikmenn til að halda áfram þeim góða anda sem liðið sýndi í síðasta leik. Margir börðust eins og hetjur til að halda heiðri liðsins á lofti og eiga fyrir það heiður skilinn. Við sýndum góðan leik og munum með aukinni reynslu og æfingu sýna enn betri leiki.
Standið ykkur strákar.
Kv.
Guðni Rúnar Gíslason
Ykkar formaður.

2003-04-04T17:06:00.000Z

Tveir nýjir leikmenn!
Vatnaliljurnar geta glaðst því í dag voru undirritaðir samningar við tvo nýja leikmenn sem eiga vafalítið eftir að styrkja leikmannahóp okkar til muna. Markvarðavesen hefur verið hjá liðinu vegna þrálátra bakmeiðsla Guðna. Hinn markvörður okkar, Friðrik, hefur verið upptekinn í vinnu og prófum og ekki getað mætt sem skyldi, hann ætlar þó að fara að bæta úr því enda sýndi hann á móti ELKO að hann er traustur markvörður. Í leiknum gegn FC BIGGA stóð maður að nafni Gummi í markinu en veit ég ekki hvort að hann ætli að leggja sinn metnað í Vatnaliljurnar.
En öll markvarða-vandamál virðast hafa verið leyst því við höfum fengið til okkar fyrrum leikmann ÍR og Vals, hinn gríðarstóra markvörð Olla. Hann mun þó þurfa að berjast fyrir sæti sínu en við bjóðum hann velkominn í leikmannahóp okkar. Verður gaman að sjá hann á sinni fyrstu æfingu og er mér strax farið að hlakka til.

Tveir af þremur markvörðum okkar, Guðni og Olli.

Hinn leikmaðurinn er sóknarmaður en það sýndi sig á móti FC BIGGA að við þurfum senter sem getur klárað færin. Ég veit ekki hvort að Knútur sé rétti maðurinn, fyrrum leikmaður hjá Leikni og Fylki, en allavega vona ég það. Honum er allavega tekið opnum örmum í hóp okkar og á vonandi eftir að sýna allar sínar bestu hliðar. Flestum leikmönnum hefur verið tilkynnt um þessa nýju leikmenn og er almenn ánægja með þá enda vitað mál að þessar tvær stöður þurfti að styrkja.

2003-04-03T00:42:00.000Z

Vatnaliljurnar - FC Birgir 3-4
Vatnaliljurnar léku í kvöld sinn fyrsta leik á stóran völl þegar liðið atti kappi við lið FC Birgis. Birgismenn byrjuðu leikinn mun betur og náðu 3-0 forystu áður en Magnús Halldórsson minnkaði muninn þegar hann vippaði boltanum skemmtilega yfir grunlausan markvörðinn. FC Birgir komst svo í 4-1 þegar þeir náðu að skora framhjá Gumma sem stóð milli stanganna í fjarveru Guðna, Frikka og Grjóna. Stóð sig vel þegar á heildina er litið og óskum við honum til hamingju með sinn fyrsta leik fyrir Vatnaliljurnar.
Daði Freyr Guðmundsson kom, sá og sigraði með einu glæsilegasta marki sem sést hefur í lengri tíma. Boltinn hreinlega flaug í samskeytin á marki FC Birgis og staðan orðin 4-2. Þetta glæsimark kveikti von í brjósti Liljanna sem náðu svo að minnka muninn í 4-3 með enn einu glæsimarkinu en þar var á ferð Maggi á ný með sitt annað mark. Nú eftir glæsilegt einstaklingsframtak. Stóð sig ótrúlega vel strákurinn og er án efa Vatnalilja leiksins. Þrátt fyrir harða hríð að marki Birgismanna undir lokin þá náðum við ekki að jafna.
Margt gott kom fram í þessum leik en ljóst var að Jóa og Alberts var sárt saknað. Liðið þarf að ná betur saman og spilið innan liðsins má vera mun betra. En þetta var fyrsti leikur okkar í 11 manna bolta og er ég bara nokkuð sáttur. Magnús Ingvason kom inná sem varamaður og með honum kom mikil reynsla inn í liðið og barátta. Vonumst til að sjá hann í baráttunni á komandi vikum. En sárt var að tapa þessum leik, en eftir leik kemur leikur og þá verður gaman.
EGM

BYRJUNARLIÐIÐ
Gummi (m)
Oddur Þ.
Magnús H.
Magnús G.
Viktor Kisi
Ari
Daði
Andri
Kristján (f)
Friðrik
Tommi

Varamenn
Elvar (þj)
Aron
Magnús I.

2003-04-02T11:45:00.000Z

ALLIR AÐ MÆTA
LEIKUR Í KVÖLD. MÆTING 20:30 Á LEIKNISVÖLL. KEPPT ER Í 11 MANNA BOLTA GEGN FC BIGGA OG ÞAÐ ÞURFA ALLIR AÐ MÆTA!!!

2003-03-30T19:28:00.000Z

Vatnaliljurnar
Á miðvikudagskvöldið er leikur, 11 gegn 11. Við keppum á móti einhverju Utandeildarliði sem ég kann ekki nafnið á en veit að meðal leikmanna er einn stuðningsmaður okkar, Gunnar Jarl. ALLIR AÐ MÆTA. Leikur hefst kl.21:00.

Fræðslufundur
Fræðslufundur um munntóbaksnotkun verður haldinn innan skamms í félagsheimili Vatnaliljanna. Munntóbaksnotkun meðal leikmanna hefur aukist til muna að undanförnu og segir stjórnin: Hingað og ekki lengra! Nú verður að grípa til aðgerða.

2003-03-26T13:57:00.000Z

Æfingaleik frestað
Mikið er um veikindi í Olla All Star Team og því hafa þeir beðið um frestun á leiknum sem átti að vera í kvöld (Miðvikudag) og fer hann vonandi fram í næstu viku. En það verður engu að síður æfing í kvöld, 21:30! Takk fyrir.
EGM

2003-03-20T13:51:00.000Z

Vakni nú til lífsins liljur komandi tíma því framtíðin er björt
Nú eftir miklar rigningar og sólskin í bland er komin á hreint næstkomandi dagskrá.
Í gær miðvikudaginn 19. mars var æfing og mjóg góð mæting andlega og líkamlega séð og
tókum við liljur okkur til og höfðum einnar mínútu þögn til heiðurs Árna Long er
varð átján ára á þeim tíma. Mæting hefði nú mátt vera öflugri en allt kom fyrir ekki og skemmtu menn
sér allhressilega. Elvar tók menn inná skrifstofu og lét þá vita hvernig málum þeirra væri háttað.
Menn voru þó óhressir með framkomu ,, rodman ", enda ekki furða því í gær því hélt hann í bíó með
borðtennis hommum Reykjavíkur í stað þess að mæta á æfingu,
svo var viðkomandi með heimtur á hendur þjálfara sem var ekki vel liðið.
Skemmtilegir tímar eru framundan og því verður æft stíft. Það stefnir allt í æfingaleik við Olla & co.
sem verður gríðar hress og skemmtilegur leikur ef marka á Íslenska fjölmiðla.
Einnig hefur forstjóri vor fundað með S.Á. og segir hann að miklar líkur á að þeir muni takast á við
þeirri áskorun að þreita við okkur af kappi í knattspyrnu og er slúður úti um að önnur grein gæti
hugsanlega bæst þar við, sem er mjög gott.
Vatnaliljur með öruggt vald í íþróttanefnd verðandi. Tveir meðlimir hafa boðið sig fram sem verðandi kandítad í
íþróttanefnd, Guðni Rúnar hefur þó verið eilítið hlédrægur eftir að Arnar Ó. Bjarna gaf tilkynningu út um þáttöku hans
og gengur það á milli manna að Guðni sé hættur við vegna þess að Arnar Ó. Bjarna sé einfaldlega rétti
maðurinn í starfið.
Allir að koma sér í gírinn fyrir hressa framtíð í bland við vaxandi valdastöðu Vatnalilja á Íslandi.

kveðja. ^oddur

2003-03-17T19:08:00.000Z

Hugleiðingar þjálfarans
Ekki er nú hægt að segja að seinustu vikur hafi verið strembnar hjá Vatnaliljunum. Æfingar ekki verið margar en vona ég þó að leikmenn hafi þó notið hreyfingar þennan tíma. Nú eru æfingamál að komast loksins á hreint og þá getum við hleypt öllu á hátt flug á nýjan leik og hætt Öskubusk-svefni.

Æfing var ákveðin með stuttum fyrirvara og haldin í hádeginu á sunnudag. Þar var mæting ekki góð en þeir sem mættu hækka þó mikið í áliti hjá mér og get þeir vænst sæti í byrjunarliðinu í næsta leik. Gaman að sjá nýjustu stjörnuna í herbúðum Vatnaliljunna, Viktor kisa mæta með góða skapið. Annars voru margir sem tilkynntu forföll, m.a. vegna meiðsla, landsliðsæfinga, veikinda, borðtennismóts, þynnku eða kvennamála. Ég býst þó við betri mætingu á Miðvikudagskvöldið kl.21:30 - 23:00 en það eru nýju æfingatímarnir okkar. Skrifið það bak við eyrað á ykkur.

Svo styttist í næsta leik okkar sem verður að öllum líkindum vináttuleikur við feiknarsterkt lið SÁ. Einnig gæti svo farið að við keppum einnig við þá í handbolta en við höfum nokkra sem eru frambærilegir í þeirri íþrótt. Fundað verður nánar um þessi mál á morgun og verður spennandi að sjá hvað út úr honum kemur.

Jóhann Björnsson mætti á úrtaksæfingar um helgina fyrir U19 ára landsliðið sem keppir gegn Skotum bráðlega. Samkvæmt heimildum gekk honum bara ágætlega og vonum við það að hann komist í gegnum niðurskurðinn. Annað væri hneyksli enda vitum við vel hvað Vatnaliljan getur.

Annars bið ég bara að heilsa,
Elvar Geir Magnússon
Framkvæmdarstjóri

2003-03-15T21:06:00.000Z

Æfing á sunnudag (15.Mars)
Við Vatnaliljur byrjum daginn snemma á morgun sunnudag og verður æfing kl.12:30 á Leiknisvelli. Verðum við ekki of strangir þar sem leikmenn mega drekka sig fulla í kvöld. Viljum sjá sem flesta og það verður gaman!

Stuðningsmannaklúbbur
Við höfum ekki stofnað stuðningsmannaklúbb formlega en það verður gert í næsta mánuði. Bíðið spennt og stay Rectionable!

2003-03-12T17:53:00.000Z

Vatnalilja í U-19
Jújú, enginn annar en Vatnaliljann Jóhann Björnsson hefur verið valinn í æfinga hóp fyrir U-19 ára landsliðinu. Allar sannar Vatnaliljur óska Jóhanni til hamingju með þetta og hlökkum við til að sjá drenginn etja kappi við efnilegustu leikmenn heims...

2003-03-11T14:48:00.000Z

Stöndum saman...
Nú er fyllerí-fríinu lokið hjá Vatnaliljunum og stefnum við á stífar æfingar á næstunni. Vonandi verður næsta æfing á fimmtudaginn þó svo að sögurnar segi að 2.flokkur Vals og ÍR ætli að hrifsa völlinn af okkur og spila á okkar tíma. Við hvetjum alla til að fara út og skokka en einnig minnum við á fastar IssPro æfingar hjá Sigurjóni og/eða Daða.
GuðniR

2003-03-10T19:40:00.000Z

Jóhann B. er Vatnalilja vikunnar!

Sigrar helgarinnar
Arnar Ó. Bjarnason vann um helgina Khalid Hadi í Hnefaleikabardaga í Laugardalshöll. Dómarar dæmdu Arnari sigur 3-2. Áhorfendur studdu Arnar heilshuga og mátti meðal annars heyra öskrað VATNALILJA!!! oftar en einu sinni. Til hamingju Arnar! Þá vann Kristján Ari dollu um helgina í handknattleik þegar ÍR-ingar urðu Deildarmeistarar. Til hamingju Kristján!

Nánir leikmenn
Þó við í stjórninni viljum samheldni meðal leikmanna þá má öllu ofgera! Heyrst hefur að tvær Vatnaliljur hafi gengið aðeins of langt á Þórscafé á fimmtudag og biðjum við þá aðila að hugsa sinn gang gaumgæfilega.

Fundur á fimmtudaginn
Á fimmtudaginn hélt stjórnin fund ásamt einum leikmanni á leynilegum stað í Fellunum. Leikmaðurinn var Magnús Gísli og var fundað um framtíð hans hjá félaginu. Fyrirliðinn Kristján Ari var í símasambandi við Magga og hélt stutta ræðu yfir manninum. Ætlar hann nú að leggja sig meira fram fyrir félagið sitt enda mikill maður og merkur. Má segja að Maggi sé nú nýr maður og búast aðdáendur Liljanna við miklu af honum í framtíðinni eins og öðrum leikmönnum liðsins.

Töflufundur
Á Miðvikudag geta Vatnaliljur fengið sér Lasagne að hætti Guðna í Spóahólum 8 og svo horft á spennandi leiki í Meistaradeildinni. Endilega mætið. Aðdáendur líka velkomnir.

Kominn með nóg
Ég held að þrír menn séu með rétt til að skrifa á þessa síðu en hingað til hef ég verið nánast einn um að gera það og samt er ég ekki með admin-aðgang! Bið ég Odd og Guðna um að vera aktívari! Og ef þú vilt einnig skrifa inn á síðuna láttu þá Guðna vita.
Elvar Geir

2003-03-03T18:58:00.000Z

Kristján Ari er Vatnalilja vikunnar!

Slagsmál
Um helgina lá við slagsmálum milli tveggja leikmanna Vatnaliljanna í samkvæmi sem Magnús Halldórsson varnarjaxl hélt. Samkvæmt heimildum hafa sættir þó náðst og verður fundað með leikmönnunum tveimur á allra næstu dögum. Ákveðið hefur verið að gefa upp nöfn þeirra leikmanna sem þarna áttu í deilum: Guðni Rúnar og Gunnar Örn. "Þetta var nú ekkert mjög alvarlegt" sagði sjónarvottur þegar við höfðum samband við hann.

Bílslys
Ari Björn Jónsson miðjumaður lenti um helgina í bílslysi og verður frá keppni í a.m.k. tvær vikur. Keyrt var á hann fyrir utan Gauk á stöng og er líðan hans ansi góð ef miða skal eftir atvikum: "Ég heyri reyndar ekkert með vinstra eyranu, er með sár á hökunni og hálfdofinn í hausnum" sagði Ari um hádegisbilið í dag en hann kom heim af spítala í gær. Elvar þjálfari var spurður út í málið: "Meiðslalisti okkar má ekki verða mikið stærri, nú þegar er annar leikmaður okkar á meiðslalista sem varð einnig fyrir bíl! Ara-málið er ekki jafn alvarlegt sem betur fer. Við þurfum að standa fyrir umferðarfræðslu held ég fyrir næstu æfingu."

2003-02-28T09:39:00.000Z

Frí frá æfingum
Æfingar hafa verið af skornum skammti að undanförnu enda telja forráðamenn að mikilvægt er að taka sér hvíld öðru hverju. Stefnt er á æfingu á sunnudagskvöldið á Leiknisvellinum og þá verður tekið á því á nýjan leik.

2003-02-26T13:13:00.000Z

Móti líklega frestað...
...um tvær vikur.

2003-02-25T11:23:00.000Z

100 kalla mótið
Vatnaliljurnar senda tvö lið til keppni á innanhúsmóti FB sem fram fer á morgun (miðvikudag) og hefst kl.16:15 þrátt fyrir að lykilmenn séu uppteknir við söngæfingar o.s.fr.v. Dregið var í lið af handahófi og líta liðin svona út:

A-lið
Friðrik (?)
Maggi G.
Daði
Tommi (?)
Kristján Ari
Oddur

B-lið
Guðni
Albert
Andri
Jói
Maggi H.

Elvar mun þá mæta seinna en margir aðrir vegna anna, en hlaupa í skörð ef þau verða þá einhver.

2003-02-23T17:55:00.000Z

Þessi strákur á eftir að vera Vatnaliljunum góður liðsstyrkur þegar hann verður kominn af meiðslalistanum!

2003-02-21T21:49:00.000Z

Axel er fyrsta VATNALILJA VIKUNNAR!

2003-02-20T23:14:00.000Z

Vatnaliljurnar - Elko 6-1
Tókum vináttuleik við lið raftækjaverslunarinnar Elko áðan. Veðrið var ekkert til að hrópa húrra fyrir en frestun kom samt aldrei til umræðna. Á 9.mínútu urðum við Liljurnar fyrir áfalli þegar Elko komst yfir með klaufalegu marki. En við létum þetta ekkert á okkur fá og gullskallinn Andri Stefánsson stóð sig með ótrúlegri prýði og skoraði. Það var svo Albert Sölvi Óskarsson sem kom okkur yfir með snotru marki en hann sýndi þrusugóðan leik. Fyrir hálfleik náðum við svo 3-1 forystu þegar Ari Björn Jónsson skoraði gull af marki en þess má get hann varð fyrir mikið af tæklingum í leiknum.

Seinni hálfleikur byrjaði mjög vel. Við bættum í sóknarleikinn og settum fyrirliðann Kristján Ara í framlínuna með Jóhanni Björnssyni og náðu þeir frændur vel saman og skoruðu sitt markið hvor. Ánægður með hve markaskorun dreifðist vel á leikmenn. Þeir Elkomenn skoruðu svo eitt sjálfsmark og úrslitin 6-1 fyrir Vatnaliljurnar! Góður sigur og stóðu sig allir með prýði. Frikki markvörður skilaði sínu og vel það, Gunnar Örn kom óvænt en sterkur inn í byrjunarliðið, Maggi H. spilaði nær allan tímann í vörninni og sýndi takta, Maggi Kók spilaði seinni hálfleikinn og gerði það vel og Daði Freyr var svellkaldur á bolnum sínum og spilaði þrátt fyrir veikindi, alvöru Vatnalilja!

Í leiknum kom þó í ljós munurinn á Raftækjaverslun og Fótboltaliði! Ég vil þakka Elko fyrir leikinn um leið og ég þakka ötulum stuðningsmönnum liðsins fyrir komuna á völlinn. Það verður síðan gaman að sjá liðið þegar Tommi, Oddur, Arnar, Magnús Ingva, Axel og Guðni fara að beita sér á fullu!

2003-02-20T15:58:00.000Z

FORFÖLL BOÐUÐ
Það er ekki bara Juventus sem er að kljást við veikindi leikmanna því nú eru nokkrar Vatnaliljur einnig komnar á dolluna. Elvar, spilandi þjálfari liðsins, ætlar að ver þjálfari í kvöld vegna hálsbólgu. Þá hafa Axel og Magnús Ingvason boðað forföll en annar þeirra ætlar þó að aðstoða á hliðarlínunni.

2003-02-20T12:10:00.000Z

Viðtal við Andra Stefánsson á leikdegi
Andri Stefánsson mun byrja á miðri miðjunni í kvöld gegn Elko. Leikið er í 7 manna liðum en ekki 11 þar sem við höfum ekki rétt á heilum velli. Leikurinn hefst um 20:00 en mæting hjá Vatnaliljunum er um 19:40. En við ákváðum að taka púlsinn á Andra:

Hvernig finnst þér byrjunarliðið?
Mjög vel mannað lið og greinilegt að fagmenn eru í því verki að velja í liðið.

Hvar finnst þér við vera sterkastir?
Liðið er mjög sterkt í heildina og ættum við ekki að tapa í kvöld.

Hvað veistu um lið Elko?
Ekkert nema að þeir þorðu ekki að keppa á Sunnudaginn í 11 manna bolta.

Hvað með frammistöðu leikmanna á æfingum? Nú hefur heyrst af því að innan liðsins séu "nokkrar" stjörnur sem leggi sig ekki 100% fram á æfingum!
Frammistaða leikmanna á æfingum hefur verið misjöfn eins og gengur og gerist. Það hafa ekki allir verið að leggja sig 100% fram.

Ef þú ættir að velja fyrirliða, hvern myndirðu velja?
Sjálfan mig!

Hvar sérðu Vatnaliljurnar eftir þrjú ár?
Berjast við KR um Íslandsmeistaratitilinn.

Eftir þetta fór Andri út að skokka stífluna með bros á vör og tilhlökkunarsvip vegna leiksins í kvöld.

2003-02-19T23:16:00.000Z

Að öllum líkindum...
...verður þetta byrjunarliðið á morgun gegn Elko.

Guðni
Albert - Maggi H
Jói - Andri - Kristján
Magnús Ingv.

Leikur hefst kl.20:00 á Leiknisvelli.

2003-02-19T20:40:00.000Z

7 manna leikur
Leikurinn gegn Elko á morgun verður í 7 manna bolta þar sem einhver fífl eru með helminginn af vellinum.

2003-02-16T01:05:00.000Z

2003-02-13T15:18:00.000Z

Æfing í kvöld 13.Feb
Hefst kl.20:00 á Leiknisvelli. Takið sundföt með ykkur ef áhugi er fyrir hendi.

Vatnalilja meðal markaskorara
Magnús Halldórsson skoraði í gær fyrir 2.flokk ÍR sem gerði 1-1 jafntefli við Meistaraflokk.

2003-02-12T10:16:00.000Z

Viðtal við Daða

Hvernig líst þér á byrjun undirbúningstímabilsins?
Mjög vel. Samheldnin er mikil í liðinu en sumir þurfa að taka sig á og mæta oftar á æfingar. Annars eru æfingarnar mjög vel skipulagðar hjá Elvari og á hann hrís skilið.

Hefur eitthvað komið þér á óvart á æfingum?
Hvað liðið er gott í heildina séð og Elvar á skilið Nóa Kropp fyrir þá æfingaaðstöðu sem hann hefur útvegað.

Ertu óánægður með eitthvað?
Léleg mæting hjá sumum og svo eru nokkrir leikmenn með stjörnustæla á æfingum, t.d. Guðni og Elvar. Á hann Lakkrískonfekt skilið fyrir það.

Hvernig leggst leikurinn gegn Elko í þig?
Mjög vel. Ég er þó slappur í nára en það er ekkert nýtt. Elvar þjálfari hefur mikinn skilning á því og styður við bakið á mér. Hann á draum skilinn fyrir það.

Nú er ekki öruggt að þú byrjir inná. Ertu ósáttur?
Nei nei. Elvar fær Hlunk.

Hvernig líst þér á að Kristján Ari, yngsti leikmaður liðsins verði fyrirliði?
Ég neita að tjá mig um það mál en Elvar fær Vanillu Kók fyrir það.

Við þökkuðum Daða fyrir kaffið og kleinurnar og héldum aftur út í skammdegið.

2003-02-11T17:33:00.000Z

Líklegt byrjunarlið gegn Elko:

2003-02-11T11:52:00.000Z

Elko-Ground

Vináttuleikur í næstu viku
Stefnt er á vináttuleik í næstu viku við lið raftækjaverslunarinnar Elko. Á eftir um kl.15:00 verður haldinn stjórnarfundur þar sem uppkast verður gert af byrjunarliðinu. Enn er ekki alveg ljóst hverjir geta ekki tekið þátt í leiknum en nánari upplýsingar koma inn síðar.

Stöndum við bakið á okkar mönnum
Einn leikmaður okkar hefur þurft að ganga í gegnum erfiðan skilnað og var það einróma samþykkt á æfingu gærdagsins að sýna fullan stuðning við þann leikmann. Fékk hann frí frá æfingunni í gær vegna þessa máls en mætti hann þó samt án þess þó að taka þátt. Sýnir það vel hve trúr hann er liðinu. Biðjum við stuðningsmenn einnig um að vera með mikla velsæmd í hans garð á komandi misserum.

Vantar markmann!
Annar markvörður liðsins hefur illa mætt á æfingar að undanförnu. Óvíst er hvað er í gangi í hans málum en aldrei að vita nema Framkvæmdarstjórinn þurfi að skella sér í markmannsleit á næstu dögum. Vert er að taka það þó fram að Hjörvar Hafliðason er ekki á leið til okkar eins og orðrómur hefur verið uppi um.

Æfing á fimmtudaginn!
Ræðukeppnin verður haldin á föstudag en ekki fimmtudag eins og stjórnin hélt og því verður æfing kl.20 á fimmtudaginn. Takk fyrir.

2003-02-10T07:41:00.000Z

Æfing í kvöld
Hefst stundvíslega kl.21:45 í Reiðhöllinni.

2003-02-06T22:08:00.000Z

Æfing kvöldsins vel heppnuð
Skemmtileg æfing að baki þrátt fyrir að veðrið hafi á köflum ekki beinlínis leikið við okkur. Held ég að um 12 manns hafi tekið þátt í æfingunni og u.þ.b. fjórir mætt til að heilsa uppá liðið en ekki verið í leikhæfu ástandi. Árni Long mætti á svæðið og tók nokkrar myndir sem verða birtar hér innan skamms.

Æfingaleikur
Vatnaliljurnar eru nú að leita að einhverju tilvöldu liði til að leika við vináttuleik. Jóhann Björnsson er að hella sér í þau mál með miklum sóma.

Hver er skyldastur Framkvæmdarstjóranum?
Með hjálp Íslendingabókar stóðum við í Vatnaliljunum fyrir skemmtilegum leik sem heitir Hver er skyldastur Framkvæmdarstjóranum?. Einn leikmaður var ekki gjaldgengur í leikinn þar sem hann er bróðir hans. Að lokum kom í ljós að þrír voru jafnir í efsta sætinu: Magnús Halldórsson, Tómas Árni Ómarsson og Gunnar Örn Jóhannsson. Mun Kári Stefánsson heimsækja þessa leikmenn um helgina og afhenda þeim viðurkenningarskjal.

Hvernig væri annars að veita Framkvæmdarstjóranum Admin-aðgang hér á síðuna?
EGM

2003-02-06T15:21:00.000Z

Æfing í kvöld
Ef veður leyfir þá verður æfing í kvöld stundvíslega klukkan 8. Þ.e. ef það verður ekki stormur í Efra Breiðholtinu eins og það hefur tilhneigingu til að vera. Allavega, Leiknisvöllurinn er málið í kvöld og allir að mæta.
GuðniR

2003-02-05T14:20:00.000Z

Áhyggjufullar Vatnaliljur
Nokkuð hefur borið á tilmælum frá áhyggjufullum stuðningsmönnum vegna örs hárvaxtar Guðna markvarðar og vilja þeir að hann skeri hár sitt. Margir eru á öðru máli enda hár Guðna hans einkennismerki, líkt og búningahönnun Jorge Campos. Hann hefur þó hafið skoðanakönnun á síðu sinni en ég veit ekkert hvort að hann fari eftir niðurstöðum hennar. Sjá meira.
EGM

2003-02-04T17:55:00.000Z

Færður í Meistaraflokk úr Unglingastarfinu

Þessi ungi strákur heitir Kristján Ari Halldórsson og er fæddur árið 1987. Hann er yngsti leikmaður meistaraflokks Vatnaliljanna en hann mætti á sína fyrstu æfingu með aðalliðinu í gær og stóð sig vel. Hefur þessi strákur vakið mikla athygli enda mjög ungur að árum og greinilegt að hér fer leikmaður sem á eftir að skipa stóran sess í liði Vatnaliljanna á komandi árum. Myndin var tekin af Batman.is/SÁ og er búið að "blörra" allar auglýsingar enda er ekki ókeypis að auglýsa á þessari síðu.

2003-02-04T15:59:00.000Z

Vel úr garði gengið.
Í gær fór fram fyrsta æfing Vatnaliljanna í hinni stórglæsilegu reiðhöll landsmanna.
Múgur og margmenni mættu á æfinguna og samkvæmt talningu voru 18 harðir garpar mættir á staðinn.
Æfingin fór vel fram, ekki var mikið um meiðsli en þó var nokkuð um vítavert gáleysi gagnvart háttvirtum stjórnarformanni,
sá einstaklingur er hefur það gert ber að taka það til sín og bæta sitt fas á næstu æfingu. Æfingar í Reiðhöllinni verða
áfram alla mánudaga klukkan 21:45 og skulu allar liljur gera sitt besta í að mæta.
kv. oddur

2003-02-02T21:25:00.000Z

Samningar
Í gærkvöldi fór Guðni Rúnar Gíslason hreinlega á kostum og gerði samninga við alla sem hann komst nálægt. Held ég meira að segja að gerðir hafa verið samningar við nokkrar stelpur og því ekki langt að bíða eftir að Vatnaliljurnar hefji keppni í Kvennaflokki. Bið ég Guðna um að bæta þeim sem hafa nú gert samning við Vatnaliljurnar á listann hér til vinstri.

Æfing í Reiðhöllinni
Á morgun kl.21:45. ATH! Ekki alveg 100% öruggt. Á eftir að binda nokkra hnúta.

2003-01-30T19:45:00.000Z

Ágreiningur Stjórnar Vatnaliljanna.
Sælir faxar. Eftir drjúgan lestur á síðunni og miklar íhuganir hafa menn eflaust tekið eftir ófallegri vinsemd milli
Guðna Rúnars Gíslasonar og Elvars Geir Magnússonar. Óþarfi er að útskýra hvað deilan snýst um þar sem hún er
svört á magnon lit hér fyrir neðan. Hef ég Oddur Þorkell Jóakimsson ákveðið sem lítið peð í mannaröðum Vatnaliljanna
að kveða hér niður deilur þeirra manna með liltum minnisbút til þeirra kumpána sem þeir skulu geyma vel.
Hann er eftirfarandi : Guðni og Elvar skulu bera sínar ákvarðanir sem áhrif hafi á aðra
en þá sjálfa undir hvorn annan svo ekki ríki ósætti, einnig skuli þeir ekki leggja móral Vatnaliljanna að veði þegar þeir rífast sem aldraðar
konur og umfram allt að leggja ekki nafn Vatnaliljanna við hégóma, persónudeilur eiga heima í lokuðu loftlausu herbergi eða í pontu í
hátíðarsal F.B. en ekki á heimasíðu Vatnaliljanna. takk fyrir
kv. oddur

2003-01-30T18:09:00.000Z

Æfing í kvöld kl.19:00 á Leiknisvelli
Boðað hafa forföll: Albert (Kemur á óvart!) og Maggi G.

Nýr æfingastaður!
Æfum nú tvisvar í viku: Á mánudagskvöldum í Reiðhöllinni (21:45) og fimmtudögum á Leiknisvelli (20:00).

Vatnaliljustrákur í eldlínunni
Jóhann Björnsson verður í hópnum hjá m.fl. ÍR annað kvöld þegar liðið leikur í Reykjavíkurmótinu kl.19:00 en hann er einnig leikmaður Vatnaliljanna. Velunnarar okkar eru hvattir til að mæta og hvetja strák til dyggða.
Elvar G.

2003-01-30T14:16:00.000Z

Svör við athugasemdum
Það er eitt og annað sem Elvar fer með rangt hér enn það sem mér þykir verst er að hann geti ekki tekið sín einkamál upp við liðsfélaga sína og samherja á fundi í stað slíkra úrhellinga.

1. Það voru fleiri enn ég sem voru óánægðir með hvernig menn höguðu sér. Þ.e. að mæta ekki á æfingu og vera svo fullir niðrí bæ um næstu helgi. Mögulega hefðum við ekki átt að skrifa okkur sem stjórn félagsins enn hverjir eru annars í stjórn félagsins. Vill Elvar kannski meina að hann sé stjórn félagsins?

2. og einn af þeim sem kannski hvað mest þarf að taka sig á er Guðni.
Hvernig getur nokkur maður sagt eitthvað slíkt. Ekki er nokkur annar leikmaður sem hefur mætt á allar æfingarnar enn ég. Aldrei nefndi ég nöfn en ef Elvar vill vera með skítkast við einhverja einstaklinga þá ætti hann alls ekki að gera það opinberlega. Slíkt sýnir meðalmennsku og litla virðingu fyrir samherjum sínum.

3. Aldrei minntist ég orði á að stytta eina einustu æfingu. Hinsvegar vildi ég flýta henni svo að leikmenn liðsins gætu séð sér fært um að mæta á æfinguna.

4. Þetta var nú meint meira í gríni enn alvöru. Reyndar bý ég við ágætis fjárhagsstöðu sem Elvar ætti að vera vel kunnugur við.

Takk fyrir,
GuðniR

2003-01-30T13:54:00.000Z

Komist hefur verið að samkomulagi þess efnis að það verður æfing í kvöld kl.19:00! Allir að mæta!

2003-01-29T21:11:00.000Z

Svar frá framkvæmdarstjóra Vatnaliljanna
1. Guðni mælti: Ekki er laust við að stjórnin er óhress með að menn sem ekki mæta á æfingar séu fullir helgina eftir.
Leiðinlegt er að sjá einstaka leikmenn Vatnaliljanna vera að taka ákvörðun fyrir heila stjórn! Þó Guðni sé háttsettur hjá félaginu er hann ekki alvald.
2. Sumir þurfa að fara taka sig á ef hlutirnir eiga ekki að enda í vitleysu.
Reyndar rétt... og einn af þeim sem kannski hvað mest þarf að taka sig á er Guðni.
3. Eitt er að skemmta sér enn annað er að menn séu að taka Bakkus fram yfir dugnað og metnað í að mæta á æfingar.
Skárra er að taka Bakkus yfir heldur en "íþrótt" sem Danir fundu upp og kalla handbolta. Íþrótt sem ótrúlega fáar þjóðir leggja stund á, og er víst rottuhlaup og úlfaldareið vinsælli á alþjóðamælikvarða (án djóks). Guðni vildi stytta æfingu morgundagsins til að geta horft á handboltaleik, fusssumsvei!
4. Þessi mál verða afgreidd á næstunni og verður refsingin sú að þeir sem ekki mættu á æfingu enn voru fullir í gær þurfa að redda áfengi fyrir árshátíðina...
Bendi á svar við fyrstu málsgrein og bið Guðna um að blanda slæmri fjárhagsstöðu sinni ekki við mál Vatnaliljanna.

Einnig vil ég spyrja Guðna: Hver var það sem yfirgaf lið Vatnaliljanna á ögurstundu á sínum tíma og hélt í lið erkifjendanna? Heppinn var sá maður að fá aftur inngöngu í liðið.

Að lokum vil ég þó þakka Guðna og Oddi fyrir þeirra framlög í þágu félagsins, en þeir sjá einmitt um þessa síðu.
Elvar Geir Magnússon

2003-01-27T00:39:00.000Z

Fyllerí og djamm

Ekki er laust við að stjórnin er óhress með að menn sem ekki mæta á æfingar séu fullir helgina eftir. Sumir þurfa að fara taka sig á ef hlutirnir eiga ekki að enda í vitleysu. Eitt er að skemmta sér enn annað er að menn séu að taka Bakkus fram yfir dugnað og metnað í að mæta á æfingar. Þessi mál verða afgreidd á næstunni og verður refsingin sú að þeir sem ekki mættu á æfingu enn voru fullir í gær þurfa að redda áfengi fyrir árshátíðina sem verður vonandi um næstu helgi.
GuðniR

2003-01-25T21:23:00.000Z

Refsingar fyrir slæma mætingu

Þar sem að það er gríðarlega mikilvægt að allir leikmenn mæti á æfingar þá hefur verið ákveðið að ítreka að það verður ekki samþykkt að menn sleppi æfingum að ástæðulausu. Ef menn hafa ekki gefið upp góða og gilda ástæðu minnst 1 klst. fyrir æfingu þá verður gripið til einhverra ráðstafana. Sektir munu verða notaðar að einhverju leyti svo og leikbönn innan félagsins. Þetta gildir einnig um forsvarsmenn félagsins.
Fyrir hönd stjórnarinnar.
GuðniR

2003-01-24T01:29:00.000Z

Myndataka!!!

Mikilvægt er að allir mæti í myndatöku á næstu æfingu. Allir eiga að mæta stundvíslega klukkan 8 svo fremi sem ekkert annað verði tekið fram. Vonandi geta allir séð sér fært um að mæta og vera á fyrstu myndinni af Vatnaliljunum sem verður í bókinni um Vatnaliljurnar sem verður gefin út þegar við vinnum Evrópukeppnina í 2053.

GuðniR

2003-01-24T01:24:00.000Z

Tímabilið byrjar!

Núna er undirbúningstímabilið á fullu og nú þegar eru fyrstu æfingarnar búnar. Slök mæting hefur verið hingað til þrátt fyrir dýrindis vallaraðstæður og hvetjum við allar sannar Vatnaliljur til að mæta. Á líðandi stundu er verið að undirbúa árshátíð okkar Vatnaliljanna og verða þar veitt verðlaun fyrir þá frammistöðu sem þótti sæmandi fyrir árið 2002. Einnig munu leynigestir stíga á stjá og allt fram eftir götunum. Og nei, það verður ekki Jonni í strumpabúningi. Allavega fyrsta utandeildartímabil Vatnaliljanna handan við hornið og árshátíð sem enginn ætti að missa af.

GuðniR